2024 жылдың 05 сәуір күні білім беру мекемелерінің бастауыш сынып мұғалімдеріне арналған “Үздік бастауыш сынып мұғалімі- 2024” байқауының аймақтық кезеңі өтті. Байқауға мектебіміздің бастауыш сынып мұғалімі Жумаканова Анар Агыбаевна қатысып, жүлделі ІІ орын иегері атанды.  Әріптесімізді жетістігімен құттықтап, шығармашылық табыс тілейміз!!!

"Георгиевка орта мектебі" КММ-нің  9-11-сынып оқушыларымен  "Дін мәселелері" жөнінде кездесу өткізілді. Кездесуге  "Дін мәселесін зерттеу орталығының" теологы Ботаханов Махсат  Дюсенбекович, "Дін мәселесін зерттеу орталығының" психологы Маар София Александровна  және  ішкі саясат бөлімінің бас маманы Абдрахманов Ербол  Турсынханович қатысып, балаларға діни ағымдар мен оны ұстанудың  дұрыс жолдары туралы ақпарат берілді.  Қазіргі жастар арасындағы теріс ағымның  рөлі мен  ықпалы жайлы

3 сәуір  күні   «Георгиевка орта мектебі» КММ – де мектеп психологы Б.Қабидоллаеваның жоспарына сай сыныпта жағымды психологиялық ахуал қалыптастыру, психологиялық ойындар арқылы қатысушыларды бір-бірімен тату қарым-қатынас орнатуға шақыру мақсатында 4 «Г» сынып оқушыларымен «Татулық – достық кілті» тақырыбында тренинг өткізілді. Жұмыс барысында оқушылардың көңіл-күйлері мен өзіне деген сенімділіктері артып, «Достық» ұғымы туралы түсініктері кеңейе түсті.

Семей "Білім-инновация лицейі" өкілдері келіп, 6-сынып ұлдарымен кездесу өткізді. Кездесу барысында  оқушыларға тіркеоу және қабылдау емтихандары жайлы құнды ақпаратпен бөлісіп, пайдалы кеңестер берді.

Семей қаласы дарынды балаларға арналған Ш.Уәлиханов атындағы "Жас Ұлан" арнайы ерлер мектеп-лицей-интернатының 10-сынып оқушысы Сырымұлы Сұңқар 4-сынып оқушыларымен аталған оқу орнына қабылдану  жолдары мен талаптары жайлы ақпарат беріп, әңгіме жүргізді. Қызығушылық білдірген оқушылардың сұрақтарына жауап беріп, қажетті құжаттар тізбесімен таныстырды.

Жастардың бос уақытын тиімді  ұйымдастыру, салауатты өмір салтын насихаттау, жан-жақты тұлға етіп тәрбиелеу мақсатында балалар мен жасөспірімдер арасында  Алматы қаласында кёкушинкай-каратэден өткен "Альянс кубогы" республикалық турнирге мектебіміздің оқушылары белсене  қатысып, жүлделі орындарға ие болды.  Атап айтсақ: Амангелді Жанель 3 орын  Айтказин Амиржан 3 орын Ерлан Нурислам 3 орын Еркебұланқызы Тоғжан 2 орын Коккозов Алишер 2 орын Коккозов Алисултан 1орын Серикканов Ерсултан 1 орын 

Балаларды табиғатты аялауға, қамқорлық жасауға шақыру мақсатында «Семей орманы табиғи резерваты  мемлекеттік Тау-Дала филиалының» мемлекеттік испекторлары К.Т.Карибжанов пен Е.Б.Диканбаев   6, 7-сынып оқушыларымен құстар күніне орай  «Құстар – біздің досымыз» тақырыбында әңгіме жүргізіп, мектеп ауласына құс  ұяларын орнатты.

2024 жылдың 01 сәуір күні 4,9- сынып оқушыларының ата- аналарына арналған жиналыс өткізілді. Жиналыс барысында білім алушылардың білім жетістігіне мониторингке қатысатын оқушылар тізімі, ББЖМ өткізілетін уақыты, өткізу рәсімдері  бойынша ақпараттар берілді. Жиналыс соңында ата - аналар өз сұрақтарын қойып, жауап ала алды.

2024  жылдың 26-27 наурыз аралығында "IQanat  Білім қоры" қоғамдық қорының ұйымдастыруымен мектебіміздің 9-сынып оқушысы, IQanat олимпиадасының 2023 жылғы республикалық кезең қатысушысы  Мүбәрак Маржан Астана қаласында өткен кәсіби бағдар беретін экскурсияға қатысты.  Экскурсия барысында Қазақстанның жетекші жоғары оқу орындарын аралап, өзіне мол тәжірибе алды.