Мектебіміздің  5-сынып жетекшісі, физика пәнінінің мұғалімі  Болатова Диана Талгатовна  "Біртұтас тәрбие бағдарламасын іске асырудың негізгі аспектісі ретіндегі құндылыққа бағытталған тәрбие және тарихи ағарту" тақырыбындағы облыстық семинарға   қатысып,  облыстық сынып жетекшілер қауымдастығының төрайымы  М.Оспанованың сертификатын иеленді.  Шәкірт  тәрбиелеу ісіндегі еңбегіне  жеміс тілейміз!

Ата-аналарды педагогикалық қолдау орталығы аясында  2024 жылдың 12 сәуір күні мектебімізде 7-8-сыныптардың ата-аналарының қатысуымен "Ақпараттан ақ-қараны ажырату өнері. Жасөспірімнің желідегі әрекеті" тақырыбында семинар-тренинг ұйымдастырылды.  Тренинг барысында  ата-ананың жасөспірімді кибербулингтен және интернет кеңістігіндегі қауіпті көздерден қорғау алгоритмі  жайлы сөз қозғалып, желідегі жасөспірімнің мінез-құлқына тәрбиенің әсері  туралы  біршама дәлелдер келтірілді.   "Болар елдің

2024 жылдың 12 сәуір күні Қазақстан азаматын базалық ұлттық құндылықтар негізінде тәрбиелеу мақсатында республикалық "Менің Отаныма- менің бастамам" шығармашылық жобалар байқауының аудандық кезеңі өтті. Байқауға қатысқан мектебіміздің 7-сынып оқушысы Калимбек Айару ІІІ орынды, 10- сынып оқушысы Андраш Балнұр жүлделі І орын иегері атанды. Жетекшісі Нурмухаметова Айдана Дәулетбекқызы. Жеңімпаздар мен жетекшісін жеңістерімен құттықтап, Балнұрға облыстық кезеңде сәттілік тілейміз!

Семей қаласының "Қайнар" жоғары колледжінің  өкілдері  келіп, 9,11-сынып оқушыларына оқу орны жайлы, оқыту форматы туралы ақпаратпен бөлісіп, студенттерге жасалған жағдай мен жеңілдіктер түрлерін атап айтты. Қызығушылық танытқан оқушылармен әңгіме жүргізіп,  сұрақтарына жауап берді.

Кәмелеттік жасқа толмағандар ісі жөніндегі аға инспекторлары Р.М.Мұратов пен  М.К.Мамилов  5-8-сынып оқушыларымен кездесу  өткізіп, профилактикалық әңгіме жүргізді.  Балаларға ұсақ бұзақылық пен  ұрлықтың салдары жайлы  кеңестер беріп,  соңы жазаға әкеліп соғатынын жеткізді. Сондай-ақ,  бейнеролик арқылы мысалдар келтіре отырып, мектепте де, сырт жақта да үнемі тәртіп сақтау  керектігі жайлы пайдалы ақпаратпен бөлісті.

2024 жылдың 10 сәуір күні мектеп жасына дейінгі ересек, мектепалды  даярлық топтары мен даярлық сыныптары тәрбиеленушілерінің арасында республикалық «Мен зерттеушімін» байқауының аудандық кезеңі өтті. Байқаудың қорытындысы бойынша мектебіміздің мектепалды даярлық сыныбының тәрбиеленушісі Амантаева Аиша жүлделі І орын иегері атанып, облыстық кезеңге жолдама алды. Тәрбиешісі Носуленко Роза Усмановна. Аишаны, ата-анасын, жетекшісін жетістіктерімен құттықтап, облыстық кезеңде сәттілік тілейміз!

2024 жылдың 10 сәуір күні мектеп жасына дейінгі ересек, мектепалды  даярлық топтары мен даярлық сыныптары тәрбиеленушілерінің арасында республикалық «Мен зерттеушімін» байқауының аудандық кезеңі өтті. Байқаудың қорытындысы бойынша мектебіміздің мектепалды даярлық сыныбының тәрбиеленушісі Өмірбек Ғани ЖҮЛДЕЛІ  ІІ орын иегері атанды. Тәрбиешісі Сакенова Баян Ильясовна. Ғаниды, ата-анасын, жетекшісін жетістіктерімен құттықтап, шығармашылық табыс тілейміз!

Грек-рим күресінен КСРО спорт шебері  Думанбек Данабаевтың  ІІ облыстық турнирінде мектебіміздің  1-сынып оқушысы Талғат Жантемір   ІІІ орынды жеңіп алып, "Техникалық  шеберлігі үшін" номинациясына ие болды. Кішкентай спортшымызға алар асулары биік болсын деген тілек білдіреміз.

9 сәуір күні «Георгиевка орта мектебі» КММ-де мектеп психологы Б.Қабидоллаеваның  жоспарына сай оқушылардың арасындағы жағымды қарым-қатынас орнату, бір-бірін сыйлау, адал дос болуға және қоршаған ортамен дос болуға үйрету мақсатында 1 «В» сынып оқушыларымен «Біз әр түрліміз, бірақ біргеміз» тақырыбында ойын - жаттығулар ұйымдастырылды. Жұмыс барысында оқушылармен  «Биші адамдар», «Көңілді таяқшалар», «Достығымыз жарасқан», «Түрлі-түсті шарлар» ойындары ойнатылды.  Оқушылар әр жаттығуға бар