«Кел, балалар, оқылық!»

2021 жылдың  1 қыркүйек күні  «Георгиевка орта мектебі» КММ-де «Кел, балалар, оқылық!» тақырыбында ең кішкене бүлдіршіндер үшін салтанатты жиын  өткізілді. Аталған шараға құрметті қонақ ретінде Жарма ауданы білім бөлімінің әдістемелік кабинет  меңгерушісі Г.Ж.Увалиева  және  ардагер ұстаздар кеңесінің белсенді мүшесі С.Т.Асылбекова қатысып, жарқын да қуанышты мереке – Білім күнімен құттықтады. Әдістемелік кабинет  меңгерушісі Г.Ж.Увалиева аудан әкімі А.А.Нургожиннің құттықтауын  жеткізді.  Сондай-ақ,  биылғы жылдың  ерекшелігі  көпшілік күткен ұлт ұстазы Ахмет Байтұрсынұлының әдістемесіне негізделген «Әліппені» 1-сынып  оқушыларына салтанатты түрде табыстау болды. 2-11-сынып оқушылары үшін Қазақстан Республикасы Тәуелсіздігінің 30жылдығына орай, «Тәуелсіздік жетістіктері» тақырыбындағы тәрбие сағаттарында Тәуелсіздіктің игіліктерін атап өтіп, оқушылардың патриоттық сезімдерін арттыра түсті. Жаңа оқу жылы толағай табыстарға, жаңалықтарға толы болсын!