«Тәуелсіз елдің Жас ұланы» атты әскери-спорттық жарысы

2021 жылдың 5 мамыр күні  «Георгиевка орта  мектебі» КММ-де   АӘД пәні мұғалімі Д.М.Рахимгалиевтің  және дене шынықтыру пәні мұғалімдерінің  ұйымдастыруымен  Ұлы Отан соғысындағы Жеңістің 76 жылдығына орай Мәскеу шайқасындағы Жеңістің 80 жылдығына арнап 10-сынып оқушылары арасында   «Тәуелсіз елдің Жас ұланы»  атты әскери-спорттық жарыс өткізілді. Жарыс барысында балалар  Калашников  автоматын толық емес бөлшектеу және қайта жинақтау, белтемірге тартылу, гір тасын көтеру, арнайы қорғаныс костюмін кию, пневматикалық мылтықтан ату  сияқты спорттың әскери-қолданбалы түрлерінен өзара  жарысты.  Нәтижесінде  10 «А» сыныбы ІІ орынды, 10 «Б» сыныбы жүлделі І орынды иеленді. Сондай-ақ, оқушылар  жекелей марапаттарға  ие болды.