«Қауіпсіз мектеп ортасы» республикалық акция

«Георгиевка орта мектебі»КММ-де  2020 жылдың 10 тамыз-25 қыркүйек аралығында оқушылардың өмірі мен денсаулығының қауіпсіздігін сақтау және қайғылы оқиғалардың алдын алу мақсатында өткізілген «Қауіпсіз мектеп ортасы» республикалық акция  аясында балалардың  қауіпсіздігін қамтамасыз ету жөніндегі «Өмірді сақтау - өз қолыңда!» ұранымен  іс-шаралар ұйымдастырылып өткізілді. Осыған орай, пандемия кезеңінде оқу жылына дайындық жүргізіліп, мектеп оқушылары интернет-ресурстармен, компьютерлермен  және «кезекші сыныптар», қашықтықтан оқыту үшін барлық қажетті құралдармен қамтамасыз етіліп, санитарлық-эпидемиологиялық шаралары күшейтілді. Сонымен қатар,  қыркүйек айында 5-7-сынып оқушылары арасында күнделікті өмірде және төтенше жағдайларда қауіпсіз жүріс-тұрыстың негізгі ережелерін оқуға қызығушылықты арттыру мақсатында «Қауіпсіз балалық шақ» онлайн-суреттер байқауы, көшеде, жолда, мектепте, үйде, сондай-ақ бейтаныс адамдармен қауіпсіз жүріс-тұрыс ережелерін түсіндіру бойынша 1-11- сыныптарда қауіпсіздік онлайн-сабақтар және  балалардың қауіпсіздігін ұйымдастыру, балаларға қатысты зорлық-зомбылықтың алдын алу мәселелері бойынша «Балалық шақтың қауіпсіздігі үшін» тақырыбына 1-11 сыныптарда онлайн ата-аналар  жиналыстары өткізілді. Іс-шаралар барысында мектеп әкімшілігі, сынып жетекшілер әңгіме,  бейнероликтер,  дәрістік мультфильмдер,  слайдтар   және  балаларға арналған  қауіпсіздіктің  алдын алуды үйрететін ойындар арқылы оқушыларға, ата-аналарға бала құқықтары, қоршаған орта,  қауіпсіз жүріс-тұрыстың негізгі ережелері туралы ақпаратты жеткізе білді.