Сейсмикалық күшейту бағытында жүргізілген жұмыстар
2020 жылдың 24-28 ақпан аралығында жер сілкінісіне байланысты 7-8-сынып оқушыларымен АӘД пәні мұғалімі Рахимгалиев Д.М. жер сілкінісі кезінде ғимараттың ішінде, далада қандай әрекетке көшу керектігі туралы бейнеролик көрсетіп, түсіндірме жұмысын жүргізді. 9-11-сынып оқушыларымен жер сілкінісіне байланысты оқу-жаттығуларын жүргізді. Мектеп медбикесі Нурмадиева Д.Т. 6-сынып оқушыларымен алғашқы көмек көрсету туралы ақпарат беріп, тәжірибе жүзінде көрсетіп өтті. Сондай-ақ, қардың мөлшерден көп түсуіне орай, АӘД пәні мұғалімі Рахимгалиев Д.М. 11-сынып оқушыларымен қауіпсіздіктің алдын алу мақсатында қарт адамдардың ауласын қардан тазалауға көмек көрсетті. Сынып жетекшілер 1-4-сынып оқушыларымен төтенше жағдайлар, жер сілкінісі кезінде қандай іс-әрекет жасау керектігі жайлы әңгіме жүргізді.
