13
февраль
2024
Ауған жерінен Интернационалист-жауынгерлердің шығарылғанына 35 жыл
15 ақпан Ауған жерінен Интернационалист-жауынгерлердің шығарылғанына 35 жыл толуына орай оқушыларды патриотизмге, Отан қорғауға, олардың бойындағы күш-қуаты мен білімін Отан игілігі мен мүддесіне жұмсауға баулу, оқушылардың бойындағы ар-намысты ерте қалыптастыру мақсатында ардагер ағаларымыздың құрметіне 9-11-сыныптар арасында әскери-спорттық сайыс өтті. Сайыстың құрметті қонағы ретінде Ауған соғысының ардагерлері Мапетов Құрманғали Мухамадиевич, Мукыжанов Марат Уанович, Бузаухаев Балтабек Қайырханович қатысты. Әскери-спорттық сайысқа жиыны 7 команда қатысып, жекелей және жалпы командалық жүлделі орындарды иеленді. Ортамызда жүрген ауғандық жауынгер ағаларға, бейбіт өмірдегі жарқын істеріңіз, қоғамдық жұмыстарда белсенділіктеріңіз, түрлі кәсіпті игерудегі ерен еңбектеріңіз қазақ жастары үшін нағыз ерліктің шынайы үлгісі екендігін, сонымен қатар, бүгінгі жас ұрпақ осы кісілерге қарап бой түзейтіндігін алға тарта отырып, отбасыларына амандық,тек жақсылық тілейміз! #Абай_облысы_Жарма_ауданы #Біртұтас_тәрбие