"Ізгілікке қалам тартқан жас ғұмыр"

2023 жылғы 2 қарашада "Оқуға құштар мектеп" жобасы аясында 7-10-сынып оқушыларымен "Күзде біз жалықпаймыз, кітап оқимыз" тақырыбында оқыған шығармалары бойынша ой бөлісу  өтті. Мақсаты – балалардың күзгі демалыс кезінде кітап оқуын ұйымдастыру, «Балалар кітапханасы» бағдарламасы бойынша ұсынылған көркем әдебиеттермен таныстыру. Оқушылар "Күзде біз жалықпаймыз, кітап оқимыз" виртуалды кітап көрмесімен таныстырылып, сыныптар бойынша оқуға ұсынылатын кітаптар көрсетілді. Қазақ тілі мен әдебиеті пәнінің мұғалімі У. А. Карманова оқушыларды халық жазушысы Қабдеш Жұмаділовтің шығармашылығымен таныстырып, оның "Дарабоз" атты Қаракерей Қабанбай батырға арналға кітабы  туралы әңгімелеп берді.  Г.А.Ахметжанова аңызға айналған батыр әрі жазушы Бауыржан Момышұлы туралы баяндап, даңқты қолбасшыға арналған А.Бектің "Волоколамск тас жолы" кітабын оқуға ұсынды. Сондай-ақ, оқушылар алдында кітапхананың тұрақты оқырманы, 9-сынып оқушысы Төлеуғалымова Анел өзі оқыған М.Митчеллдің "Унесенные ветром" және Дж.Бичер Стоудың "Хижина дяди Тома» шығармалары бойынша өз ойын білдірді. Шара соңында балалар көрмеден өздеріне ұнаған кітаптарды оқуға алды.