«Түлек-2023 – Қазақстанның болашағы» атты салтанатты жиын

2023 жылдың 21 маусым күні  мектебімізде 11-сынып оқушыларына арналған  «Түлек-2023 – Қазақстанның болашағы» атты салтанатты жиын  өткізілді. Салтанатты жиынымыздың құрметті қонағы ретінде Семей қаласының «Алихан Бөкейхан университеті»  гуманитарлық факультетінің деканы Искакова Маржан Оразгалиевна, Жарма аудандық білім бөлімінің бас маманы Садыкова Гулсағи Тұрсынхановна, мектепішілік қамқоршылық кеңесінің белсенді мүшесі Мапетов Құрманғали Мухамадиевич, мектепішілік ата-аналар комитетінің төрайымы Болатбекова Динара Болатбековна, ардагер ұстаз Джармухаметова Майра Казетаевна  қатысты.  Биылғы оқу жылында мектебімізді 34 түлек аяқтады. Оның екеуі "Алтын белгі" белгісінің иегері.   Сонымен қатар, "Алтын белгі" белгісінің иегерлері  Буламбаева Алина мен  Садақова Бинұрға «Алихан Бөкейхан университетінің» 25 жылдығына орай "Ректор грантының сертификаты" тағайындалса, Садакова Бинурдың алғашқы тырнақалды жыр жинағы жарық көріп, авторға  табысталды. Түлектерімізге сәт сапар тілей отырып, алдағы үлкен өмірге қадам басуларымен құттықтаймыз!