«Дәмді бауырсақтар» сайысы

Ұлыстың Ұлы күні – Наурыз мерекесіне орай, мектебімізде 5-6-сыныптар арасында  «Дәмді бауырсақтар» сайысы өтті.  Сайысқа әр сыныптан  1 оқушы анасымен қатысып, "Ашыған,  ашымаған бауырсақтар,  тәтті,  май қосылған, бал қосылған бауырсақтар, ши бауырсақ, шелпек бауырсақ, ұсақ, дөңгелек, қытырлақ бауырсақ, сорпаға иленген бауырсақ, үлкен бауырсақ сияқты алуан түрлі  бауырсақтар пісіріп, оны өлең шумақтарымен қорғады. Жеңімпаздар мадақтамалармен марапатталып,  оқушылар дәмді бауырсақтардың дәмін татты.