02
март
2023
Апталық аясында өткізілген ашық сабақ
2023 жылдың 2 наурыз күні 9 «Ә» сыныбында «Тригонометрия формулалары» тақырыбында математика пәнінен ашық сабақ өтті. Пән мұғалімі Догалбаева Г.Ж. Мұғалім өз жұмысында жаңартылған білім бағдарламасының әдістерін ғана емес, сонымен қатар оқушы тұлғасын дамытуға жұмыс істейтін тұлғалық және коммуникативті оқытудың жаңа технологияларын да пайдаланды. Атап айтсақ, «Өзіңді тексер», «Қарқын», «Plickers», «Learning apps», «Ойлан – жұптас, бөліс», «Жеке жұмыс», «Cast lots» әдістерін қолданды. Оқушылар өз білімдерін бағалау парағына белгілеп, қорытынды ұпайларын жинап, білім деңгейлерін өздері бағалады. Сонымен қатар, сабақта көзге арналған жаттығулар жасалды. Сабақ соңында мұғалім сараланған әдісті қолдана отырып, өзіндік жұмыс жүргізді. Сабақ өз мақсатына жетті. Бұл сабақ мұғалімнің өз жұмысында ақпараттық-коммуникациялық, денсаулықты сақтайтын, оқушы біліміне бағытталған технология элементтерін белсенді қолданудың жаңа үлгілерін көрсетті.