Қазақстан Республикасы Мемлекеттік күзет қызметі  қызметкерлері келіп, 9-11-сынып оқушыларымен  кәсіптік бағдар бойынша  әңгіме жүргізді. Өздерінің қызметі жайлы түсірілген  бейнеролик арқылы аталған мамандықтың мән-жайын жеткізіп, балалармен сұрақ-жауап арқылы  пікір алмасты. #Абай_облысы_Жарма_ауданы  #Біртұтас_тәрбие

Мамандық таңдау - адам өміріндегі маңызды қадам,  тек оқу мен диплом алу ғана емес, бұл – өз өмір жолыңды дұрыс таңдау. Сондықтан болашаққа қадам басар кезде талапкердің де, ата-ананың да «Жеті рет өлшеп, бір рет кескені» абзал деп, 2024 жылдың 31 январь күні мектебімізде  «ДОСБОЛLIKE: ДОСТЫҚ ҚОЛЫН ҰСЫН» акциясы  аясында  Қалбатау ауылының әр сала мамандарының және 9-11 сынып оқушыларының қатысуымен "Профи TIME" мамандықтар әлемінде "Болашағыңның өзгеруін қаласаң..." тақырыбында ашық алаң өтті.

Кәсіптік бағдар беру мақсатында 9-11- сынып оқушыларымен  Қостанай академиясына оқуға түсу жолдары жайлы арнайы мамандар келіп, әңгіме жүргізді.  Қазақстан республикасы ішкі істер министрлігінің академиясы студенті атану үшін  түлектердің алға қойған мақсаттарының болуы, физикалық тұрғыдан дайындық сияқты бірқатар талаптар мен  оларға жасалған жағдайларды да толық ашып  жеткізді.  Балалар өздерін толғандырған сұрақтарын қойып, тиісті жауаптарын алды.

Жарма аудандық өрт сөндіру бөлімінің қарауыл бастығы, азаматтық қорғау  капитаны Махметов Асхат Ануарович келіп,  кәсіптік бағдар бойынша 11-сынып оқушыларымен әңгіме жүргізді. Өрт сөндіруші қызметінің жайы мен күйін, оқу барысы мен жұмысқа орналасудағы жеңілдіктермен таныстырды. Болашақ  түлектер үшін құнды ақпаратымен бөлісті.

2024 жылдың 8 январь күні мектебіміздің түлектері, бүгінгі күні М.Әуезов атындағы Семей педагогикалық колледжінің студенттері келіп, кәсіптік бағдар бойынша 9-11-сыныптарға өздерінің тәжірибесімен бөлісе отырып, ақпарат берді. Аталған оқу орны дайындайтын мамандықтар мен студенттерге жасалған жағдай жайлы  кеңінен мәлімет беріп өтті.

29 сентябрь күні  мектебіміздің 10-11-сынып оқушыларымен Ұлттық Ұлан академиясының  5511 әскери бөлімінің  өкілдері келіп, кәсіптік бағдар беру мақсатында түсіндірме жұмысын жүргізді.  Оқуға қабылдану, оқу орнындағы студенттерге жасалатын жағдай жайлы кеңінен ақпарат беріп, үгіт-насихат жұмысын жүргізді. Болашақ түлектеріміз өздерін қызықтырған сауалдарын қоя отырып, тиісті жауап алды.