2023 жылдың 16 май күні 2-4 сынып оқушылар арасында  «Балдырған» олимпиадасының аудандық кезеңі өтті. Олимпиадаға мектебімізден 25 оқушы қатысып, төмендегідей нәтиже көрсетті:

Ауыл мектептеріне арналған «Мың бала» Ұлттық зияткерлік олимпиадасының қорытындысы бойынша мектебіміздің 6-сынып оқушылары Болатұлы Райымбек пен Рахимов Нурали жеңімпаздар қатарынан табылды.  Райымбек Абай облысы бойынша ең жоғары 670,080553 ұпай , ал Нурали 567,8529063 ұпай жинады. Жеңімпаздарымыз дарынды балаларға арналған мамандандырылған мектептерге өтінім бере алады.   Райымбек пен Нуралиге зияткерлік бәсекедегі жеңістеріне сәттілік тілейміз!!!

2023 жылдың 12 майында Семей қаласында Қ.Н.Нұрсұлтанов атындағы математика пәнінен V облыстық олимпиадаға мектебіміздің оқушылары қатысып, нәтижесінде 6-сынып оқушысы Болатұлы Райымбек 3-орынды (жетекшісі А.Серікжанқызы), 5-сынып оқушысы Серікжан Ерасыл жүлделі 2-орынды (жетекшісі А.А.Турсынгалиева) иеленді. Райымбек пен Ерасылды жетістіктерімен құттықтаймыз!

2023 жылдың 11 майында  2-4 сынып оқушыларына арналған «Бастау» Республикалық математикалық турнирінің облыстық кезеңі өтті. Турнирге мектебіміздің бастауыш орыс сыныбынан құралған «Дружба» командасы қатысып, «Әу, Баста» номинациясының иегерлері атанды. Команда құрамы: Султанбеков Алан, Танабаева Диляра, Нұржанұлы Сұңғат. 

2023 жылдың 6 май күні  Жарма ауданы мәдениет үйінде 7 май - Отан қорғаушылар күні мерекесіне арналған салтанатты іс-шара өтті.  Салтанатты жиында аудан әкімі Жарқынбек Байсабыров жиналған қауымды Отан қорғаушылар күнімен құттықтап, жастарға патриоттық тәрбие беруде жемісті қызметі үшін мектебіміздің алғашқы әскери және техникалық дайындық пәні мұғалімі Д.М.Рахимгалиевті Алғыс хатпен марапаттады. 

2023 жылдың  27 сәуір күні «Мен зерттеушімін» мектепке дейінгі жастағы балаларға арналған республикалық байқауының облыстық кезеңі өтті. Байқау қорытындысы бойынша мектебіміздің 0 «В» сынып тәрбиеленушісі Серікжан Арсен «Үй жағдайында гидропоника әдісімен бидай өсіру» тақырыбында жобасын қоғап ЖҮЛДЕЛІ І орын иегері атанды. Жетекшісі Мусатова Алма Серикбаевна. Арсенді, ата-анасын, жетекшісін жүлделі орындарымен құттықтап, шығармашылық табыс тілейміз!

2023 жылдың 26-27 сәуірінде Коммунальное государственное учреждение Семей қаласындағы облыстық дарынды балаларға арналған мамандандырылған «Білім-Инновация лицейі» КММ ұйымдастыруымен 7-11 сынып оқушылары арасында қазақ тілінен «Жарқын болашақ» республикалық олимпиадасының облыстық кезеңі өтті. Олимпиадаға мектебіміздің 8- сынып оқушысы Набережнева Олеся қатысып, ІІІ орын иегері атанды. Жетекшісі Даулетова Асия Сатбековна. 

2023 жылдың 24-25 сәуірінде Усть-Каменогорск қаласында Жәкула Күшікұлы атындағы химия және биология пәндерінен I аймақтық олимпиадасы өтті. Олимпиадаға мектебіміздің 10-сынып оқушысы Ясымбек Дильназ қатысып,  ІІІ орын иегері атанды. Жетекшісі Ашубаева Жанна Турсыновна.

Март мейрамы аясында дарынды балаларды анықтау, қолдау, мейрам туралы түсініктерін кеңейту   мақсатында  жас  суретшілер арасында өткен  "Март-көктем","Март бейнесі" аудандық байқауында  мектебіміздің  0-сынып оқушылары Қайырғазы Зере ІІІ орынды (Жетекшісі Сакенова Б.И.), Мұратбек Даяна ІІ орынды (Жетекшісі Мусатова А.С.), 3-сынып оқушысы Қанатбек Айым ІІ орынды (Жетекшісі Нурашева М.Ш.), 6-сынып оқушысы  Қайырғазы Еркежан ІІ орынды (Жетекшісі Ермекова А.С.) жеңіп алды.  Марапат иелерін

2023 жылдың 12-13 сәуір аралығында «Табиғатты аяла» жас өлкетанушылар, экологтар мен табиғат зерттеушілерінің республикалық форумының облыстық кезеңі өтті. Форумға мектебіміздің 6-сынып оқушысы Оралова Адина қатысып, «GREEN OASES» номинациясы бойынша жүлделі  ІІ орын иегері атанды. Жетекшісі Ермекова Алма  Сериковна.