Гүлзаттың Италиядағы демалысы

2017 жылдың 20 июльсі мен 3 августы күндері аралығында Шығыс Қазақстан облысының 40 оқушысы өздерінің жазғы демалысын Италияда өткізіп қайтты. Олар Адриатика теңізінің жағалауында орын тепкен Эмилия-Романья провинциясының Чезенатико қаласында орналасқан сауықтыру лагерінде демалды. Чезенатико қаласы әлемге өзінің атақты теңіз айлағы және суға жүзу орындармен белгілі. Кемелер тоқтайтын теңіз айлағы әйгілі Леонардо да Винчидің сызбасы арқылы жасалғандығымен ерекшеленсе, қазіргі уақытта қала әлемдік туризм орталықтарының бірі саналады. Биылғы жылы осы Чезенатико қаласында орналасқан сауықтыру лагеріне бару бақыты Георгиевка орта мектебінің оқушысы Хасенова Гүлзатқа да бұйырған болатын. Гүлзат бізбен сиқырлы Италия елінен алған ерекше әсері және өте жақсы ұйымдастырылған сауықтыру лагері туралы қызықты ойларымен бөлісуді жөн көрді. Сауықтыру лагерінде демалыспен қатар, балаларға әртүрлі қызығушылықтарына байланысты шығармашылық бағыттағы үйірмелер, клубтар ұйымдастырылған. Мысалы би, спорт, өнер, арт-дизайн, тілдік, италян тағамдарын дайындау үйірмелері. Сонымен қатар балалар суға жүзуді, серфингпен су бетінде сырғанауды италян тілінде сөйлеуді, желкенді қайықпен жүзуді үйренді. Күн сайын қалаға экскурсия ұйымдастырылған. Атап айтқанда, Чезенатико қаласындағы «Атлантика» аквапаркі, «Мирабиландия» атракциондар паркі, тарихи орындар мен ескерткіштер тамашалау, тауға жаяу саяхат жасау. Гүлзатқа әсіресе «Мирабиландия» атракциондар паркі қатты ұнады. Әртүрлі қиылыстары мен бұрылыстары бар, жоғарыдан төмен құлдилаған «Катун», «Ниагара» атракциондарына отырудан ляззат алдым дейді. Биылғы жазғы демалысын Италияның Чезенатико қаласында өткізген күндер Гүлзаттың есінде мәңгі қалары сөзсіз.