«Георгиевка орта мектебі» КММ-де мектеп жанындағы үлескіде 5-8,10 сынып оқушылары жұмыс жоспарына және  белгіленген кестеге сәйкес практика өтуде. Оқушылар практика барысында мектеп ауласындағы гүлдерді,  мектеп үлескісіндегі жеміс-жидек, көкөністерді суғару,  күту және минералды заттармен құнарландыру тәсілдерімен танысуда.Қазіргі таңда оқушылар бақша өнімдерін жинап,  қызықтауда.

Мектепке дайындық барысында жыл сайынғы дәстүрлі "Бар мейірім балаларға" ұранымен "Мектепке  жол" акциясы аясында жеке кәсіпкер  Жумагулова Жанерке Курманбековна  екі оқушымызға  мектепке   киім-кешек түрінде демеушілік көрсетті. Игі іс атқарғаны үшін  демеушімізге алғыс білдіреміз.

2022 жылдың 2-6 тамыз күндері Алматы, Семей, Өскемен, Риддер, Қалбатау өңірлерінен жиналған командалар арасында киокушинкай каратэден оқу-жаттығу жиыны өтті. Жалпы алда келе жатқан жарыстарға дайындық ретінде және  этика мен төрешілік жүргізу туралы өткен семинарға  жүзден аса жас спортшылар қатысты.

2022 жылдың 30  шілде күні "Георгиевка орта мектебі" КММ-нің  6"Ә" сынып оқушылары сынып жетекшісі А.А.Турсынгалиеваның  ұйымдастыруымен Өскемен қаласында орналасқан этносаябаққа саяхатап барып келді. Қосымша кинотеатрға  барып, қызықты да әсерлі демалыс өткізді. Оқушылардың жазғы демалыс кезіндегі бұл саяхат олардың көңілдерінен шықты.

2022 жылдың 1 тамызы мен 30 қыркүйек аралығында «Мектепке жол» республикалық қайырымдылық акциясы өткізілетінін хабарлаймыз. Қайырымдылық жаса жарысайық!

"Демеушің болса, демікпей-ақ жүзерсің" дегендей мектеп асханасына жөндеу жұмыстары мен безендіруде демеушілік көрсеткен мектебіміздің 2002 жылғы түлектері С.Т.Асылбекованың сыныбына,  2003 жылғы мектеп түлегі Рустем Ауғажиновке және  2007жылғы түлектер: Ерлан Омарбаев, Мерхат Токтыбаев, Сымбат Искакова, Айнаш Хамзаева, Сауле Асылбекова, Макпал Халиуллина, Гульназ Серикова; жеке кәсіпкер С.И.Кожевниковаларға алғысымызды білдіреміз.

Бүгін "Күншуақ" лагерінің 2 ауысымының жабылу салтанаты өтті. Барлық екі аптаға созылған демалыстың қорытындысы ретінде балалар үйренген өнерлерін ортаға салып,  ән, би, ойындар ойнатылып, балмұздақтар таратылды. Лагерьде өте белсенділік танытып жүрген балаларды мадақтамамен марапаттап,  үйірме және топ жетекшілері  жаңа оқу жылына жақсы көңіл-күйде келулеріне тілектестіктерін білдірді.

Бүгінгі "Күншуақ" лагерінің балалары Жарма ауданының көрнекті жерлері, мәдениеті, еңбек ерлерімен танысу, ой бөлісу  мақсатында   аудандық мұражайға саяхаттады. Мұражайдан көптеген қажетті мағлұматтар алып, тарихи ақпарттарға шолу жасады  және балалар тарапынан қойылған сұрақтарға жауап берілді. Мұражайға саяхатымыз өте қызықты өтті.

Бүгін Б.И.Сакенованың ұйымдастыруымен "Бала квест" ойыны өтті. Жолаушы картасы жасалып, әр аялдамаға тапсырмалар жасырылды. Тапқан балаларға екі топ бойынша "Ертегі кейіпкері кім?", "Мақалды аяқта", Кім мықты?", "Кім жылдам" атты тапсырмалар орындалды. Өте белсенді  балаларға мадақтама беріліп, ойын соңында тәттілер таратылды.