22 мамыр күні "Георгиевка орта мектебі" КММ- де оқу жылын аяқтау кезіндегі  балалардың  көңіл-күйлерін көтеру мақсатында "Күн көзінен қорғайтын көзілдіріктер күні"  өткізілді. Оқушылар аталған күні белсенділік танытып, ерекше көңіл-күйде болды.

Ұлы Абайдың рухани мұрасына, поэзиясына сүйіспеншілікке тәрбиелеу мақсатында өткен Абай оқуларының аудандық кезеңінде "Көңілім әнді ұғады" бағамы бойынша мектебіміздің 8-сынып  оқушысы Жуман Абылайхан жүлделі   І орынды иеленіп, облыстық кезеңге жолдама алды. Жетекшісі Уайданова К.Ш. Құттықтаймыз!

15 мамыр - Халықаралық отбасы күніне орай ұйымдастырылған аудандық шараға "Георгиевка орта мектебі" КММ-нің атынан Амангельдиевтер отбасы  қатысып, жүлделі 1орынды иеленді. Марапат иелерін құттықтаймыз!

Отбасы күніне орай мектебімізде  "Берекелі жанұя құруға болады ма?" тақырыбында аудандық дебат ойыны ұйымдастырылды.  Шарада аудандық ақсақалдар кеңесінің төрағасы Каирбеков Е.Б.,  аудандық аналар  кеңесінің төрайымы Ж.Т.Садыкова және әйелдерге қатысты зорлық- зомбылыққа қарсы инспекторы, полиция майоры Құнанбаева А.Е. төрелік етіп, екі жақты қызу пікірталас өтті.

"Георгиевка орта мектебі" КММ-де Халықаралық отбасы күніне орай "Отбасы - тәрбие арқауы" атты ой бөлісу сағаты өтті. Шара барысында ата-аналарға кітап оқудың әдіс-тәсілдері туралы ақпарат берілді. Ата-аналар балаларды кітап оқуға тарту бойынша өз ой-пікірлерін ортаға салды. Балаларға жас ерекшеліктеріне қарай кітап көрмесі әзірленіп, ата-аналар назарына ұсынылды.

Республикалық "Айбын" әскери-патриоттық жастар жиыны  турнирінің облыстық кезеңінде мектебіміздің оқушылары  Рамазан Қарақат, Талапкер Санжар, Елтай Заңғар қатысып, жалпыкомандалық есепте жүлделі ІІ орынды иеленді. Жетекшісі Рахимгалиев Д.М.

Ауыл мектептеріне арналған «Мың бала» Ұлттық зияткерлік олимпиадасының қорытындысы бойынша мектебіміздің 6-сынып оқушылары Болатұлы Райымбек пен Рахимов Нурали жеңімпаздар қатарынан табылды.  Райымбек Абай облысы бойынша ең жоғары 670,080553 ұпай , ал Нурали 567,8529063 ұпай жинады. Жеңімпаздарымыз дарынды балаларға арналған мамандандырылған мектептерге өтінім бере алады.   Райымбек пен Нуралиге зияткерлік бәсекедегі жеңістеріне сәттілік тілейміз!!!

Білім алушылардың экологиялық мәдениетін қалыптастыру, қоршаған ортаға қамқорлық сезімін ояту, табиғатқа ұқыптылықпен қарау, еңбекке деген құрмет сезімін ояту мақсатында  "Георгиевка орта мектебі" КММ-де  "Жасыл мекен" челленджі өтті. Аталған челленджге оқушылар мен педагогтер қатысып, мектеп  ауласына көшеттер отырғызды.   #табиғатқақамқорлық #жасылмекен  #еңбекқорлық

2023 жылдың 12 мамырында Семей қаласында Қ.Н.Нұрсұлтанов атындағы математика пәнінен V облыстық олимпиадаға мектебіміздің оқушылары қатысып, нәтижесінде 6-сынып оқушысы Болатұлы Райымбек 3-орынды (жетекшісі А.Серікжанқызы), 5-сынып оқушысы Серікжан Ерасыл жүлделі 2-орынды (жетекшісі А.А.Турсынгалиева) иеленді. Райымбек пен Ерасылды жетістіктерімен құттықтаймыз!

12 мамыр күні «Георгиевка орта мектебі» КММ–де мектеп психологтары А.Кокиева мен Б.Қабидоллаеваның жоспарына сай жағымсыз күйден арылу, өзін еркін сезінуге көмектесу, жағымды психологиялық ахуал қалыптастыру мақсатында 9 «А» сынып оқушыларымен «Мен сүйіспеншілікке толымын» тақырыбында жұмыс жүргізілді. Жұмыс барысында «Мейірімді эмоция», «Адасқан әріптер», «Аддамс отбасы», «Көңілді шарлар» атты ойындар ойнатылды.