🍁ҚАЗАҚСТАНДЫҚ ОҚУШЫЛАР КҮЗГІ КАНИКУЛДА 7 КҮН ДЕМАЛАДЫ  🗓️Қазақстандық мектептерде бірінші тоқсан аяқталуда. Күзгі демалыс 2023 жылдың 30 қазаны мен 5 қарашасын қоса алғанда жеті күнге созылады. «Біртұтас тәрбие» бағдарламасы аясында барлық білім беру мекемелерінде мектеп оқушыларының күзгі демалыстағы бос уақытын тиімді өткізу және жеке тұлғалық қасиеттерін дамыту мақсатында іс-шаралар ұйымдастырылады.

2023жылдың 24 қазан күні "Георгиевка орта мектебі" КММ-де Республика  күніне  арналған «Мәңгілік жаса, қыран елім - Қазақстаным!» атты салтанатты жиын өтті. Салтанатты жиынымыздың құрметті қонақтары ретінде  Жарма ауданы білім бөлімінің әдіскері Увалиева Гаухар Жанатовна, мектепішілік  қамқоршылық кеңесінің белсенді мүшесі  Даулетбекова Айнұр Даулетбековна, мектепішілік ата-аналар комитетінің төрайымы  Болатбекова Динара Болатбековна  және мектебіміздің құрметті ұстаздары мен

Саналы ғұмырын жас ұрпақты тәрбиелеу ісіне арнап, осы салада ұзақ жыл қалтқысыз қызмет еткені үшін бастауыш сынып мұғалімі Тагаева Назигуль Ермухановна ҚР Оқу-ағарту министрінің Алғыс хатымен марапатталды. Әріптесімізді құттықтаймыз!

Жас ұрпақты тәрбиелеу жолындағы тынымсыз еңбегі мен ағартушылық қызметі үшін мектепалды даярлық сынып тәрбиешісі Семсенова Мейрамгуль Шагибасовна ҚР Оқу-ағарту министрінің Алғыс хатымен марапатталды. Әріптесімізді құттықтаймыз!

Өнегелі білім, тағылымды тәрбие алған жас ұрпақтың өсіп-өркендеуіне аянбай атсалысқаны үшін орыс тілі мен әдебиеті пәні мұғалімі Ахметжанова Гульнара Маратовна ҚР Оқу-ағарту министрінің Алғыс хатымен марапатталды. Әріптесімізді құттықтаймыз!

Кәсіби "Кітапханашылар күні" мерекесіне орай ұлттық құндылықтарды дәріптеп, парасатты, рухани жан-дүниесі бай, білімді, кітапты сүйе білетін ұрпақты тәрбилеудегі адал еңбегі үшін мектеп кітапханашысы Бахытгуль Толеубековна Жарма ауданы білім бөлімінің Құрмет грамотасымен марапатталды. Құттықтаймыз!

"Георгиевка орта мектебі " КММ-де Республика күніне орай, "Оқуға құштар мектеп" жобасы аясында "Менің Отаным - Қазақстан" атты кітап көрмесі ұйымдастырылып, 5-сынып оқушыларымен "Қазақстан еліне саяхат" атты  әдеби джем өткізілді. Шара барысында оқушыларға "Қазақстан еліне сиқырлы саяхат", "Сиқырлы қазғыш таяқша", "Атамекен елінің аңыздары" кітаптарының тарихы, табиғаты, аңыздары бойынша  сұрақтар қойылды. Шара соңында аталған кітаптар оқуға ұсынылды.

Мектебімізде  5-10-сыныптар арасында  күзгі өнімдерден  жәрмеңке ұйымдастырылды. Жәрмеңке  жеміс-жидектер бейнесінде киінген оқушылардың флешмобымен бастау алып,  түрлі  үй тағамдарын сатумен жалғасын тапты.  Оқушыларға күзгі өнімнің пайдасы жайлы мол ақпарат пен  көтеріңкі көңіл-күй сыйланды.

2023 жылд ың 18 қазан күні  11-сынып  оқушыларының   ата-аналарымен жиналыс өткізілді. Күн тәртібінде білім алушылардың үлгеріміне ағымдық бақылау, аралық және қорытынды аттестаттау өткізу туралы, ҰБТ  туралы  сұрақтар қарастырылды. Жиналыс соңында ата-ана мен бала арасындағы емтихан алдындағы сенім мен қолдауды нығайту мақсатында « Мен баламның болашағына сенемін! » тақырыбында  тренинг   ұйымдастырып,  “Балалық шаққа саяхат” тақырыбында  оқушылардың  бастауыш буыннан бергі фотолары арқылы

"Оқуға құштар мектеп" жобасы аясында "Георгиевка орта мектебі" КММ-де   "Балалар ақыны Мұзафар Әлімбаевтың 100 жылдығына орай "Балалар жанының бағбаны" атты 5-6- сынып оқушылары арасында мәнерлеп оқу сайысы өтті.  Шара барысында оқушылар көрнекті ақынның кең тараған, өздеріне ұнаған жырларын мәнерлеп оқыды. Ақынның түрлі өлеңдерімен таныстығын көрсетіп,  үздік шыққан қатысушыларға қазылар алқасының шешімімен мақтау қағаздары табысталды.