2023 жылдың 19-20 желтоқсан күндері 9-11 сынып оқушыларына арналған жалпы білім беретін пәндерден республикалық олимпиаданың аудандық кезеңі өтті. Олимпиадаға мектебімізден 33 оқушы қатысып, 26 оқушы жүлделі орынға ие болды:

"Айбын" әскери-патриоттық клубының мүшелері мен жетекшісі Д.М.Рахимгалиевтің ұйымдастыруымен    9-11-сынып  оқушылары арасында волейболдан жарыс ұйымдастырылды. Жарыс қызу әрі тартысты өтіп,  оқушылар белсене қатысты. Нәтижесінде номинациялар мен жүлделі орындарға ие болды. Атап айтсақ,  ІІІорынды 11 "Б" сыныбы, ІІ орынды 10 "Б" сыныбы  және І орынды 11 "А" сыныбы жеңіп алды.

Қазақстан мектептерінің басшылары мен мұғалімдерінің инновациялық тәжірибесін зерделеу және тарату мақсатында "Педагогикалық идеялар фестивалі" республикалық байқауының аудандық кезеңі өтті.  Байқауға қатысқан мектебіміздің физика пәні мұғалімі  Дайров Мадияр Тыныбекович ІІ орын, орыс тілі мен әдебиеті пәні мұғалімі Орумбаева Эльмира Исламбековна ІІІ орын иегерлері атанды. Әріптестерімізді жеңістерімен құттықтап, шығармашылық табыс тілейміз!

2023 жылдың 21 желтоқсан күні 5-6 сынып оқушыларына Қ.Н.Нұрсұлтанов атындағы математика пәнінен V облыстық олимпиаданың мектепішілік кезеңі өткізілді. Олимпиадаға 13 оқушы 5-сыныптан, 19 оқушы 6-сыныптан қатысты. Ережеге сай 2 дарынды оқушы аудандық кезеңге жолдама алды. Олар 5- сынып оқушысы Нематилла Нұрасыл (жетекшісі М.К.Мурзагулова) мен 6- сынып оқушысы Мүбәрак Искандер (жетекшісі А.А.Турсынгалиева). Оқушыларымызға сәттілік тілейміз!

2023 жылдың қорытындысы бойынша білім саласындағы жаңалықтар ГЕОРГИЕВКА ОРТА МЕКТЕБІ ✅2023 жылы республикада Мемлекет басшысының барлық деңгейдегі білім беру саласын нығайту жөніндегі бірқатар маңызды бастамалары іске қосылды. Оның дәлелі ретінде Абай облысы Жарма ауданы білім бөлімінің Георгиевка орта мектебінің материалдық техникалық базасы нығайып, оқу-тәрбие процесінің сапалы болу үшін барлық жағдайлар жасалып жатыр. ✅Мектептің от жағу қазандықтары ауыстырылып, ағымдағы жөндеу жұмыстары

"Георгиевка орта мектебі" КММ-нің  "Киокушинкай каратэ" үйірмесінің жетекшісі  Амангелды М.А.   5 сағаттық  емтихан барысында  30рет жекпе-жекте  қарсыласын  жеңіп алды.  Каратэ бойынша қара белбеуге ие болып, "Шебер" атағын алды. Әріптесімізді құттықтап, жетістіктерге жете беруіне тілектестігімізді білдіреміз. 

2023 жылдың  4-18 желтоқсан аралығында мектебімізде  информатика пән мұғалімдері Шаймуратова Ж.С., Абулгазинова Ж.С., Елмұрат Г., Садыкова Ж.К. ұйымдастыруымен оқушылардың ақпараттық технологияларға және бағдарламаларға қызығушылықтарын арттыру мақсатында "Қазақстандағы код сағаты" акциясы аясында  5-10-сыныптарда 1 сағаттық  сабақтар өтті. Оқушылар платформаға тіркеліп, берілген тапсырмаларды қызығушылықпен  орындады.  #KZHourOfCode2023

Тәуелсіздік күніне орай 1-4-сыныптарда  «Білімді ұрпақ - Тәуелсіз елдің тірегі» тақырыбында, 5-11-сыныптарда  «Кеше, бүгін, ертең» тарихи-танымдық тәрбие сағаттары өткізілді. Сабақта балалар өз елінің тарихымен, түрлі саладағы жетістіктерімен, ұлттық құндылықтарымен толығырақ танысып, болашаққа бағдар алды. #тәуелсіз_елдің_ұрпағы_абай_облысыЖармаауданы    #Біртұтас_тәрбие

"Отанға деген құрмет кіші жастан басталады" демекші мектебіміздің ең кішкентай бүлдіршіндері - мектепалды даярлық және кіші орталық тәрбиеленушілерінің  Тәуелсіздік күніне арнап салған суреттері.