2021 жылдың  10-11 желтоқсан күндері  5-11-сынып оқушыларына Тәуелсіздіктің 7 қыры деректі фильмінің сілтемесі  https://www.youtube.com/watch?v=QBpcSDkHTTw ұсынылып, деректі фильмнің онлайн  көрсетілімі ұйымдастырылды. Оқушылар тәрбие сағаттарында  деректі фильм  жайлы ойларымен, алған әсерлерімен бөлісті.

"Георгиевка орта мектебі" КММ-де  Тәуелсіздіктің 30 жылдығына орай  бастауыш сынып мұғалімдері  1-4-сыныптар  арасында  мәнерлеп оқу сайысын өткізді. Сайыста кішкентай  бүлдіршіндер туған жер, Отан туралы өлеңдер оқып, еліне деген құрметтерін жеткізді.

"Георгиевка орта мектебі" КММ-де дене шынықтыру пәні мұғалімі  Серикқазы Р.Т. 9-10-сынып оқушылары арасында  "Тәуелсіздік таңы" атты мектепішілік баскетбол жарысын ұйымдастырды. Нәтижесінде 9 "В" сыныбы ІІІорынды, 10 "А" сыныбы ІІорынды  және  9 "Г" сыныбы жүлделі   Іорынды жеңіп алды. Оқушылар арасында өткен  тартысты ойын олардың спортпен шұғылдануға деген ынталарын арттыра түсті.

Елімізде парасаттылық мәдениетті  дәріптеу мақсатында ұйымдастырылған «Парасатты отбасы» облыстық байқауына  «Георгиевка орта мектебі» КММ-нің  музыка пәні мұғалімі  Асығатбек Ұланбек  отбасымен  қатысып,  жүлделі   ІІІ орынға ие болды.   Сонымен қатар  50 мың теңгенің сертификатының иегері атанды.

Тәуелсіздіктің 30 жылдығына арналған «Тәуелсіздік – тірегім!» айлық аясында «Георгиевка орта мектебі» КММ-де   «Қазақстан  Республикасының Тәуелсіздігіне –30 жыл» тақырыбында   2-9-сыныптар диктант жазды.

«Георгиевка орта мектебі»КММ –нің  тарих пәні мұғалімі  Турсунова Б.Ж.  6 «А» сыныбымен  «Тәуелсіздік бастауы — Желтоқсан» тарихи  вояж  сабағын  өткізді.   Сабақ барысында оқушылар топ бойынша  сұрақтарға жауап беріп, ойын элементтері арқылы тарихқа көз жүгіртіп,  тарихи мәліметтер алды.

2021 жылдың 7 желтоқсанында жалпы білім беретін пәндер бойынша 5-6 сынып оқушыларына арналған республикалық олимпиаданың облыстық кезеңі өтті. Олимпиада қорытындысы бойынша мектебіміздің 5-сынып оқушысы, орыс тілі мен әдебиет пәнінен аудандық кезең жеңімпазы Қайырғазы Еркежан жүлделі І орын иегері атанды.  Жас білгірді, жетекшісі Баяндинова Гульжан Тургазиновнаны жеңістерімен  құттықтаймыз!

«Георгиевка орта мектебі» КММ-де  жас ұрпақтың  Отан қорғауға дайындығын тәрбиелеу   мақсатында   АӘД пәні мұғалімі Д.М.Рахимгалиев  9-11-сыныптар арасында "Тәуелсіздік - тұғырым" атты әскери-патриоттық  сайыс ұйымдастырды. Сайысқа әр сыныптан командалар қатысып, белгіленген уақытта  өз ептіліктерін  байқатты.  Аталған сайыс  балалардың  тактикалық, оқ ату, саптық дайындықтарын нығайтып, Отанға деген  сүйіспеншілігін арттыруға ықпал етті.

«Георгиевка орта мектебі» КММ-де  Тәуелсіздіктің  30 жылдығына орай кітапханашы Б.Т.Ержанованың ұйымдастыруымен «Тәуелсіздік - тірегім» тақырыбына 10-сыныптармен  кітапханалық сабақ өтті. Сабақ барысында барысында оқушылар Тәуелсіздік кезеңдері, жетістіктері туралы  кітаптармен  таныстырылды.  Шара барысында «Тәуелсіздік шежіресі»  атты сұрақ – жауап  түрінде  әңгімелесу  өтті.

«Георгиевка орта мектебі» КММ-де «Бір ел – бір кітап» акциясы аясында  «Тәуелсіздіктің 30 жылдығына 30 кітап» тақырыбымен 7-сыныптар арасында балалар әдебиеті  жанры  бойынша  әдеби ойын өтті. Шара барысында оқушылар  қойылған  сұрақтарға жауап  беріп, мәттіндерден  шығарманың  атын анықтады.  Шара бес кезеңнен тұрды. Кезеңдер барысында «Әдеби джем»  ойыны арқылы  оқушылар өз білім  деңгейлерін көрсетті.