Балалар жылы аясында өткізілген  облыс әкімі Д.Ахметовтың  дарынды оқушылармен  кездесуіне "Георгиевка орта мектебі" КММ-нің 4-сынып оқушысы  Есен Мақсат қатысып, облыс әкімінің мақтау қағазымен және 100 000 теңге көлеміндегі сертификатпен  марапатталды.

2022 жылдың 6 мамыр  күні  Ұлы  Отан  соғысының ардагері Загидуллин Наил Гашигуловичке «Георгиевка орта мектебі» КММ-нің гвардиясы мен шығармашылық  тобы шағын концерттік бағдарламамен барып, құттықтап қайтты. 5-сынып оқушысы Қайырғазы Еркежан «Ардагерге ашық хат» құттықтау хатын сыйлады.  Ардагер атамызға шын көңілден денсаулық, ұзақ та жарқын, алаңсыз күндер, жақын адамдарының қамқорлығы мен ықыласын тілейміз.

29 сәуір   күні  "Георгиевка орта мектебі"КММ-де    балалардың патриоттық сезімдерін оятып, оларды бірлікке, достыққа, ауызбіршілікке  шақыру  мақсатында БІРЛІК САҒАТТАРЫ  өтті.

Балалар жылына орай  және  1 мамыр - Халықаралық бірлік күні мерекесі қарсаңында  Жарма ауданының  Орман шаруашылығы қызметкерлерінің бастамасымен  өткен аудандық  "Саябақтар шеруі - 2022жыл" табиғат қорғау Халықаралық акциясының жалғасы ретінде  "Георгиевка орта мектебі" КММ-нің жоғары сынып оқушылары   мектеп ауласына көшеттер отырғызып, тазалық жұмыстарын жүргізді. Аталған акцияға орман шаруашылығы  қызметкерлері қонаққа шақырылды. Игі бастаманы ауданымыздың өзге мектептеріне жолдаймыз.

2022 жылдың 29 сәуір күні С.Аманжолов атындағы Шығыс Қазақстан университетінің ұйымдастыруымен 11- сынып оқушылар арасында география пәнінен "GEO Олимпия-табысқа апарар жол» облыстық олимпиадасы өтті. Олимпиада 2 кезеңнен тұрды: 1)    Бірінші кезең – оқушыларды тестілеу ( 30 тест сұрақтары).  2)    Екінші кезең – практикалық тапсырмаларды шешу. Олимпиада қорытындысы бойынша екі кезеңнен суырылып алға шыққан мектебіміздің 11- сынып оқушысы Советбекова Ажар жүлделі ІІІ орын иегері атанды.

"2022 жыл - Балалар жылына" орай  ұлттық билерден өткен аудандық "Би әлемі" байқауында ересек топтар арасында мектебіміздің  "Shara dance"  тобы  жүлделі І орынды жеңіп алды. Жас өнерпаздарымызға  өнерлері  өрге жүзсін деген тілек білдіреміз.

2022 жылдың 25-29 сәуір аралығында Щучинск қаласында   өткен Азия чемпионатында Д.М.Рахимгалиевтің жетекшілігімен  "Георгиевка орта мектебі" КММ-нің маманы Бекбосынов Асылан Советұлы және  мектебіміздің түлегі  Кирдасымова Жансая   1 орынды иеленді.   Марапат иелерін құттықтаймыз!

2022 жылдың 28 сәуірінде өзін- өзі тану пәні мұғалімі М.К.Берикканова 4"Б" сыныбында "Туған жердің әсемдігі" тақырыбында ашық сабақ өткізді. Сабақ барысында оқушыларға Шығыс Қазақстан облысы мен Жарма ауданындағы әсем жерлердің көріністері көрсетіліп, әртүрлі тапсырмалар орындау арқылы табиғаттың макетін жасады. Сабақ соңында мұғалім туған жерді аялау, оның көркеюіне үлес қосу әр азаматтың борышы екенін атап өтті.

Апталықтың жоспарына сәйкес 6 «А» сыныбында Турсунова Баян Жулдузовна «Общественно –правовая система казахов при Тауке хане» тақырыбында ашық сабақ өткізді. Сабақ барысында оқушылар жұптық және топтық жұмыс жасады. Сабақ мақсатына жету үшін тиімді әдіс – тәсілдер қолданылды.

«Балалар жылы» аясында өткен Ұлттық мектеп лигасының жеңілатлетикалық кросс жарысының облыстық кезеңіне   «Георгиевка орта мектебі» КММ-нің  оқушылары қатысып, 10-сынып оқушысы  Буламбаева Алина  мен  9-сынып оқушысы Болатбек Айбар ІІІ орынды  иеленді. Жетекшілері  Искакова Г.А. және Асылбеков Д.Б. Жеңімпаздарды құттықтап, алар асуларың көп болсын дейміз.